Kvenfélag Hraungerðishrepps 90 ára í dag!

Mynd af facebooksíðu Kvenfélags Hraungerðishrepps

Kvenfélag Hraungerðishrepps fagnar nú 90 ára afmæli en félagið var stofnað 5. mars 1933 af tuttugu og sex konum og hefur það starfað óslitið síðan. Enn í dag er félagið virkt og starfa um þrjátíu konur á öllum aldri í félaginu og ávallt eru grunngildin þau sömu: að láta gott af sér leiða, vera til staðar, styðja og styrkja þar sem þörf er hverju sinni.

Það er skemmtilegt og gefandi að starfa í kvenfélagi þar sem samheldni og samstaða ríkir og allir stefna að því sama þar sem mannauðurinn fær að njóta styrkleika sinna. Nýjar konur eru ávallt velkomnar að taka þátt í starfinu.

Við óskum kvenfélagskonum í Kvenfélagi Hraungerðishrepps til hamingu með afmælið og færum um leið kærar þakkir fyrir allt sem félagið hefur gert fyrir samfélagið okkar.

Sjá nánar um kvenfélag Hraungerðishrepps hér: https://www.floahreppur.is/is/sveitin-okkar/ymis-felagasamtok/kvenfelog/kvenfelag-hraungerdishrepps