2023

Ungmennafélagið Þjótandi gefur út Áveituna fréttabréf einu sinni í mánuði.

Efni þarf að berast í kringum hver mánaðarmót á ritnefnd Áveitunnar:

Hallfríður Ósk Aðalsteinsdóttir halla@floahreppur.is

Oddný Ása Ingjaldsdóttir oddnyasa@floaskoli.is

Áður fyrr voru gefin út þrjú fréttabréf hjá fyrrum ungmennafélögunum Umf. Baldur, Umf. Samhygð og Umf. Vaka. Fyrsta tölublað Áveitunnar kom út árið 2007 og var þá gefið út af Vöku og Samhygð og Baldur bættist svo við í apríl 2009. Í dag er Áveitan gefin út undir merkjum Ungmennafélagsins Þjótanda.

Áveitan var áður gefin út á prenti og send út á öll heimili í Flóahreppi og þangað sem þess var óskað en frá haustinu 2022 var farið út í að gefa Áveituna einungis út á rafrænu formi.

Fréttabréfið Áveitan hefur mikið menningarlegt gildi fyrir samfélagið í Flóahreppi og eykur á fjölbreytileika mannlífsins í sveitarfélaginu.