Málefni aldraðra

Með þjónustu við aldraða er stuðlað að því að þeir geti búið við eðlilegt heimilislíf svo lengi sem unnt er.

Matur fyrir eldri borgara í Flóahreppi

Í Flóahreppi er boðið upp á mat fyrir eldri borgara. Miðað er við þá sem eru 67 ára á árinu og er maturinn í boði í mötuneyti Flóaskóla í Þjórsárveri.

 

Boðið er uppá að panta mat ákveðna vikudaga og því hægt að skrá sig 1x í viku og upp í 5x í viku, þá daga sem mötuneytið er opið. Tveir möguleikar eru í boði en það er að sækja matarbakka í mötuneyti Flóaskóla í Þjórsárveri eða borða á staðnum í matsalnum. Sækja skal mat eða borða á staðnum á milli kl. 11:30-12:30.

Gjald fyrir máltíðir fer eftir samþykktri gjaldskrá sveitarstjórnar hverju sinni.

Gjald út árið 2025 er 673 kr. á hvern skammt.

Skráningar fara fram í gegnum ritara Flóahrepps:

Netfang: anna@floahreppur.is

Sími: 480-4370 á milli 9:00-13:00 á virkum dögum.

Á heimasíðu Flóahrepps: Skráning í mat fyrir eldri íbúa SMELLTU HÉR

 

Mikilvægt er að skrá sig eða gera breytingar fyrir 15. hvers mánaðar vegna komandi mánaðar.

 

HÉR má sjá þá daga sem matur fyrir eldri borgara er í boði frá október 2024-maí 2025

Í Flóahreppi eru reglulega haldin opin hús fyrir íbúa sem eru 60 ára og eldri. Fulltrúar í Öldungaráði Flóaskóla halda utanum það starf. 

Fyrir frekari upplýsingar um opin hús er hægt að hringja í Helenu Hólm í Skálatjörn í síma 899-6685 eða Höllu Kjartansdóttur í Ölvisholti í síma 699-0717. Þau eru einnig með Facebook síðu sem heitir 60+ félagsstarf í Flóahreppi.

Velferðarþjónusta Árnesþings

Eldri borgarar eiga rétt á almennri þjónustu sem veitt er hjá Velferðarþjónustu Árnesþings í samræmi við lög um félagsþjónustu sveitarfélaga nr. 40/1991 og lög um málefni aldraða nr. 125/1999

 

Bláskógabyggð, Flóahreppur, Grímsnes- og Grafningshreppur Hrunamannahreppur og Skeiða- og Gnúpverjahreppur, standa sameiginlega að Velferðarþjónustu Árnesþings.

Velferðarþjónustan starfar á grundvelli eftirfarandi laga: laga um félagsþjónustu sveitarfélaga nr. 40/1991 með síðari breytingum, laga um þjónustu við fatlað fólk með langvarandi stuðningsþarfir nr. 38/2018, laga um málefni aldraðra nr. 125/1999, barnaverndarlaga nr. 80/2002 og viðeigandi reglugerða.

 

Skrifstofa velferðarþjónustu Árnesþings er í Laugarási. 

Heimasíða velferðarþjónustunnar er: www.arnesthing.is 

 

Markmið velferðarþjónustu Árnesþings

  • Auka lífsgæði og stuðla að því að íbúar á starfssvæði Árnesþings eigi kost á að lifa með reisn.

  • Bregðast við fjölbreyttum þörfum einstaklinga, barna og fjölskyldna fyrir velferðarþjónustu með virðingu, samvinnu og samfellu í þjónustu að leiðarljósi.

  • Styðja við og efla samvinnu heimila og stofnanna sem veita velferðarþjónustu í Árnesþingi og stuðla að samvinnu fagfólks á svæðinu.

  • Stuðla að framþróun í velferðarþjónustu og kynna nýjungar með tilliti til sérstöðu hvers málaflokks.

Hreyfiúrræði eldra fólks

Hér má nálgast ýmsar hagnýtar upplýsingar varðandi hreyfiúrræði fyrir fólk á alrinum 60 ára og eldri: https://www.bjartlif.is/