Inneignarkort á söfnunarstöð ÍGF í Hrísmýri á Selfossi

Flóahreppur afhendir öllum fasteignaeigendum sem greiða sorpeyðingargjald / fast gjald í sveitarfélaginu inneignarkort sem má nota á söfnunarstöð Íslenska gámafélagsins í Hrísmýri á Selfossi. Klippt er í kortið fyrir hver 50 kg af úrgangi sem komið er með á söfnunarstöð og er inneignin alls 500 kg á árinu 2024.

Inneignin á kortinu árið 2024 er:

• Íbúðarhúsnæði og frístundahúsnæði 10*50 kg = 500 kg á ári
• Atvinnurekstur / iðnaðarlóðir 10*50 kg = 500 kg á ári
• Atvinnurekstur / lögbýli 10*50 kg = 500 kg á ári

Starfsmaður á söfnunarstöð vigtar þyngd úrgangs við komu og klippir í viðeigandi fjölda reita á kortinu. Ávallt er klippt í a.m.k. einn reit þó að þyngdin nái ekki 50 kg.

Eftirfarandi skilmálar gilda um kortin:

• Kortin eru eingöngu til afhendingar á skrifstofu Flóahrepps á opnunartíma skrifstofu.
• Allir fasteignaeigendur sem greiða sorpeyðingargjald / fast gjald hafa kost á að fá kort.
• Sveitarstjórn ákveður inneign ár hvert.
• Inneign á korti færist ekki á milli ára.
• Glötuð kort má tilkynna til skrifstofu sveitarfélagsins.
• Finnist kort má koma því á skrifstofu sveitarfélagsins.
• Eitt kort er gefið út á hvert fasteignanúmer sem greiðir fast sorpeyðingargjald. Ef fasteign hefur fleiri en einn skráðan eiganda er ekki hægt að fá fleiri kort.
• Hægt er að fá nýtt kort á skrifstofu ef kort glatast gegn 5000 kr. gjaldi. Við afhendingu á nýju korti er klippt í fjölda reita útfrá því hvenær nýtt kort er sótt. Dæmi: Ef kort er sótt í apríl er klippt í 3 reiti fyrir janúar, febrúar og mars. Starfsmenn á söfnunarstöð geta séð fjölda skipta sem eigandi hefur komið á árinu til að útiloka að um misnotkun á kortum sé að ræða.
• Ekki er hægt að fá nýtt kort eftir að hitt kortið klárast. Greiða skal á söfnunarstöð skv. gjaldskrá þeirra eftir að kort klárast.
• Kort skal fylgja fasteign og afhendast nýjum eigendum við eigendaskipti.
• Ef kort eru sótt af þriðja aðila skal ritað umboð fylgja frá eiganda þegar kortið er sótt.

Skilmálar geta breyst eftir ákvörðun sveitarstjórnar. Uppfærðir skilmálar verða birtir á heimasíðu sveitarfélagsins www.floahreppur.is